მას შემდეგ, რაც მისმა მეუღლემ თვითმკვლელობა სცადა, წყვილის ურთიერთობა ბევრად უფრო ჰარმონიული გახდა. ამან კი კინგს სასამართლოდან გაყრის თაობაზე გაკეთებული განცხადება გამოატანინა.

”შვილების გარემოცვაში ყოფნით ჩვენ ძალიან ბედნიერები ვართ” - განაცხადა 76 წლის ყოფილმა ტელეწამყვანმა, რომელმაც საავტორო გადაცემა დატოვა. 25-წლიანი სტაჟის მქონე CNN-ის ერთერთი ყველაზე რეიტინგული შოუს ახალი წამყვანის ვინაობა ჯერჯერობით გაურკვეველია.

ლარი კინგმა 76 წლის ასაკში 8-ჯერ დაქორწინება მოსაწრო, აქედან ორჯერ - ერთსა და იმავე ქალბატონზე. მისი მეშვიდე მეუღლე შონ საუთვიკია, ყოფილი მომღერალი და ტელეწამყვანი. მათ 2 შვილი, 10 და 11 წლის ბავშვები ჰყავთ, გარდა ამისა, ლარი შონის უფროსი ვაჟის მამინაცვალიცაა. წინა ქორწინებებიდან კი ლარის 3 შვილი ჰყავს.

ასე რომ, Larry King Live-ის ლეგენდარული ჰოსტის ცხოვრებაში სიახლეების დროა. ის აპირებს ოჯახს ბევრად მეტი დრო დაუთმოს და აქტიური ჟურნალისტიკა დატოვოს.

ანჯელინა ჯოლის სკანდალები არასდროს ეკლდა. ბოლო მითქმა-მოთქმა მისმა როლმა გამოიწვია ფილმში ”სოლტი”. ახალი ფილმის პრემიერა 23 ივლისისათვის რუსეთში იგეგმება. ანჯელინა აგენტის როლს ასრულებს, რომელსაც რუს სპეცსამსახურებთან აქვს კავშირი და შტატების პრეზიდენტის მოკვლას ცდილობს.

ფილმის პრემიერამდე სულ ცოტა ხნით ადრე დააკავეს 28 წლის ანა ჩაპმანი, რომელსაც ბრალი რუს სპეცსამსახურებთან კავშირში დასდეს.

ანას პოლიტიკურ წრეებში ”ბონდის გოგონასა” და ”აგენტ 90-60-90-საც” კი უწოდებენ. ამ ინცინდენტის შემდეგ ბევრმა ჟურნალისტმა ჩაპმანისა და ჯოლის გმირის მსგავსებას გაუსვა ხაზი. ამჯერად ჯოლი რუსეთში იმყოფება და ჭორებზე არანაირ კომენტარს არ აკეთებს.

16 წლის ჯასტინ ბიბერი ნამდვილი მე-18 საუკუნის რაინდია!!! დედამისის განცხადებით, ის აპირებს, უმანკოება იქამდე შეინარჩუნოს, სანამ საყვარელ ქალს არ იპოვის. გარდა ამისა, თურმე, ბიბერი დიდ პატივს სცემს სუსტ სქესს. 

საოცრებაა, პირდაპირ, 21-ე საუკუნეში ასეთი პოპულარული ბიჭისგან მსგავსი განცხადების მოსმენა. ”ძალიან რთულია ჩემთვის შესაფერისი ადამიანის პოვნა” - განაცხადა ერთერთ ინტერვიუში ტინეიჯერების ახალმა კერპმა. 

თუმცა, ალბათ, არავის დაგვიწყებია ბრიტნი სპირსის მანიპულირება თავისი უმანკოებით. ამის შედეგი კი ისაა, რომ პოპვარსკვლავი საყვარლებს ცხვირსახოცებივით იცვლის და ერთი-ორჯერ უკვე დედობის უფლებაც ჩამოართვეს. 

ასე რომ, 16 წლის თინეიჯერის სურვილების უკან რა დგას, კაცმა არ იცის.

ლამაზ ქალბატონებს ასაკის მატება ყველაზე მეტად აშინებთ. შორენა ბეგაშვილიც, სავარაუდოდ, მათ შორისაა, თუმცა, მაინც გადაწყვიტა, კიდევ ერთი წლის შემატება პომპეზურად აღენიშნა და დაბადების დღე ერთერთ პოპულარულ და ელტიურ რესტორანში გადაიხადა.

როგორც იქნა ამოხსნეს ჯონი დეპის ხშირი სტუმრობის მიზეზი როკკონცერტებზე. ”კარიბის ზღვის მეკობრეების” ვარსკვლავი ბრიტანული ტაბლოიდის, “The Sun-ის”, ცნობით როკმომღერალს შეასრულებს ახალ ფილმში "Sonny Boy".

ახალი ფილმის სიუჟეტი უკვე ცნობილია - ჯონი დეპის გმირი გარდაცვლილი მომღერლის სიმღერაზე ქავერვერსიას წერს. კომპოზიციის გაჰიტების შემდეგ აღმოჩნდება, რომ ორიგინალის ავტორი ცოცხალია. დეპის გმირი კი მის საძებნელად მიემგზავრება.

ჯონი დეპს მუსიკალურ სფეროში გამოცდილება არ აკლია. სანამ 47 წლის ამერიკელი ვარსკვლავი პოპულარული მსახიობი გახდებოდა, 2 ბენდის, The Kids და Rock City Angels-ის გიტარისტი იყო.
გარდა ამისა, მეუღლის, ვანესა პარადის 2000 წელს გამოშვებული ალბომის, “Bliss” და Oasis-ის ტრეკების ჩაწერაში იღებდა მონაწლეობას. ასევე, მუსიკალურად აფორმებდა ფილმს ”შოკოლადი” და ”ერთხელ მექსიკაში”.
ასე რომ, დეპი ახალ ამპლუაში თავს ისე გრძნობს, როგორც თევზი წყალში

ვარსკვლავს სხეულის სერიოზული დაზიანებები არ მიუღია. მას შემდეგ რაც პოლიციამ დაადგინა, რომ ის სრულიად ფხიზელ მდგომარეობაში მართავდა ავტოს, მხოლოდ  ფულად ჯარიმას დასჯერდა.

ჯორჯ მაიკლი დილის 4 საათისათვის მშობლიური ინგლისის ფოტომაღაზიის ვიტრინას შეეჯახა.

თურმე, კეიტი პერი პრინცი ჰარის დიდი ფანია და მასთან შეხვედრაზე ოცნებობს. ამას არც საქმროსთან, ბრიტანელ კომიკოს რასელ ბრენდთან, მალავს.

უცნობი წყაროს განცხადებით, კეიტის აზრით პრინცი ჰარი ძალიან მხიარული ბიჭია. მასთან შეხვედრის გარდა, პერი ბაკინგემის სასახლის დათვლიერებაზე და დედოფალთან ერთად ჩაის მირთმევაზე ოცნებობს.
ეტყობა სამეფო ოჯახისადმი დიდი ინტერესი მას გენეტიკურად ერგო. მისი მშობლები ლედი დის დიდი გულშემატკივრები ყოფილან.

სამეფო ოჯახიდან კეიტის სურვილებს ჯერ არავინ გამოხმაურებია, თუმცა, რა იცით, რა ხდება

ამ სიცხეში ქართველ კაცებს რომ კიდევ Hot დროის ტარება უნდათ, ალბათ, გასაკვირია. მაგრამ ეს ფაქტი ძალიანაც აწყობთ სტრიპტიზკლუბ “Diva-ს” მფლობელებს, რომლებიც საღამოობით სტუმართა ნაკლებობას არასდროს განიცდიან.

ჩვეულებრივ სტუმართაგან განსხვავებით კლუბს  კლიპის გადამღები ჯგუფი ეწვია, ასე რომ, მოცეკვავე გოგონები სულ მალე ახალ ვიდეოშიც გამოჩნდებიან. 

8 ივლისს  News Box-ი სწორედ იმ გამბედავ ქართველ რეპერებზე მოგიყვებათ, რომლებიც ახალ კლიპში სტრიპტიზიორი გოგონების კადრებს აქტიურად გამოიყენებენ და სულ მალე, ალბათ, უკომპლექსობაზეც განაცხადებენ პრეტენზიას.

ფინქს, თურმე, ყველაზე მეტად ლოდინი ეჯავრება. თანაც ბარგის ლოდინი სასტუმროში.
მომღერალი ამჟამად ”Funhouse Summer Carnival Tour-ში” იმყოფება, მთელ ევროპაში კონცერტებს მართავს და სასტუმროების გამოცვლაც ხშირად უწევს. პორტიეები კი სწორედ მის ნერვებზე თამაშობებ და შემსრულებელსა და მის 30-კაციან ჯგუფს ფოიეში ალოდინებენ.

”სასტუმროებში ამ საქმისათვის, ძირითადად, 2 პორტიეა გამოყოფილი, მე კი 30 ადამიანი მყავს ჯგუფში, ჩემი ხელით რომ შემეძლოს ბარგი თრევა, მე ვატარებდი!” - ეს განცხადება მომღერალმა მას შემდეგ გააკეთა, რაც Twitter-ის რამდენიმე Follow-ერმა გააკრიტიკა პრეტენზიულობის გამო.