14 მარტს ფილარმონიაში ახალგზრდა ქართველი შემსრულებლები ალტერნატიული მუსიკის კიდევ ერთ საღამოს გამართავენ.
მთავარი ინტრიგა კი იმაშია, რომ 14-ში პოპისა და ალტერნატივის ნაზავი იქნება წარმოდგენილი.

თიკა ფაცაცია, რომელიც ბოლო დროს სატელევიზიო პროექტებით უფროა დაკავებული, ვიდრე მუსიკალური კარიერით, ”პორნოპოეზიასთან” ერთად შეასრულებს დუეტს.

შემსრულებელი ამჟამად ”ნიჭიერითაა” დაკავებული - ახალ სახეებს ეძებს პროექტის ფარგლებში. მუსიკალურ ციებცხელებაში დაბრუნება კი ნიუქამერებთაბნ ერთად გადაწყვიტა.

ამ და ბევრ საინტერესო საკითხზე თიკამ Music Box-ის გადამღებ ჯგუფთან ისაუბრა. ასე რომ, უყურეთ News Box-ს 10 მარტს 19:30  და გამეორებას კი,  09:00, 12:00 და 15:00 საათზე.

რეპერების დანაშაულისკენ მიდრეკილებას მათ სიმღერებში  გამოხატული დიდი პატივისცემა და სიყვარული ”შავი” სამყაროს მიმართ ადასტურებს.  

როგორც ჩანს, ლილ უეინი სულაც არ აპირებს მხოლოდ სიყვარულსა და პატივისცემას დასჯერდეს და საკუთარი უნიკალური გამოცდილების მისაღებად ციხეში გაემართა...  

მას ჯერ კიდევ 2007 წელს დასდეს ბრალი იარაღის უკანონოდ ტარებაში, სასამართლო პროცესი ორჯერ, ჯერ მისი ოპერაციის, შემდეგ კი სასამართლოს შენობის ხანძრის გამო გადაიდო. 

რეპერი მსჯავრს მაინც ვერ ასცდა. ერთწლიანი სასჯელი შეიძლება პატიმრის კარგი ქცევის გამო 8 თვემდე შემცირდეს. ლილი კარგა ხანს დარჩება სცენის მიღმა გისოსების ტყვეობაში, თუმცა, შავების წრეებში, ალბათ, დიდი გამოცდილებითა და ნასამართლეობით იამაყებს.

რობი უილიამსმა, როგოც იქნა,  გადაწყვიტა, შეელიოს თავსუფლებას. მას ცოლად აიდა ფილდი მოჰყავს.  სამწუხაროდ, მათი ქორწილი კვლავ გაურკვეველი ვადითაა გადადებული.  

14 თებერვალს დანიშნული ცერემონია გაუქმდა. რობისთან დაახლოებული პირის განცხადებით, შემსრულებელი თავს არიდებს დიდი ქორწილის გადახდას და სულაც არ უნდა, რომ მასმედიამ აქტიურად გააშუქოს ცერემონია. ესაა მიზეზი, რომ ქორწინება არ შედგა.  

36 წლის მექალთანე რობის გულის მოგება 30 წლის ნაკლებადცნობილმა მსახიობმა, აიდა ფილდმა, მოახერხა. ის მზრუნველობას არ აკლებს რობის და ისიც კი მოახერხა, რომ ვარსკვლავი დაეთანხმებინა, სიგარეტს თავი დაანებოს. ეს მაშინ, როცა რობი დღეში საშუალოდ 60 ღერს ეწეოდა. 

წყვილი აგრძელებს ერთად ცხოვრებას. მათი კავშირი ჯერ არ დაკანონებულა.

ჯეიმს კამერონს სასამართლოში უჩივიან.

თუ თქვენ იცით მონტაჟი პროგრამაში Adobe Premiere CS4, გაგაჩნიათ მხატვრული გემოვნება და იცით რა არის კომპიუტერული დიზაინი,  მაშინ გამოგვიგზავნეთ თქვენი CV მისამართზე info@musicbox.ge  ან დაგვირეკეთ 38 00 93.    

გარდა ამისა, დამწყები ნიჭიერი ახალგაზრდები მიიღებიან პრაქტიკაზე.    

MUSIC BOX-ის შემოქმედი კოლექტივი ელის თქვენ გამოჩენას ჩვენთან.

მაია კაჭკაჭიშვილმა საავტორო საღამო კლუბ „ტრიუმფში “ გამართა.
მთელი მუსიკალური ბომონდი საქართველოში ერთერთი ყველაზე პოპულარული და ცნობადი კომპოზიტორის საღამოზე შეიკრიბა: ლელა წურწუმია, ნოდიკო ტატიშვილი, ნინი ბადურაშვილი, სოფო ხალვაში, მერაბ სეფაშვილი, დუეტი „ჯორჯია“ და ბევრი სხვა.  

საღამოზე შესრულდა კომპოზიტორის არაერთი ცნობილი ჰიტი, თუმცა იყო საზოგადოებისათვის უცნობი სიმღერებიც.  

საღამოზე სიმღერები ჯგუფმა „ქუჩის ბიჭებმაც“ შეასრულა.  მიუხედავად იმისა, რომ მათი პოპულარობა წარსულს ჩაბარდა და გურამ ლომიძეც გამოეთიშა ოთხეულს, მათი ერთად ხილვა მაინც საკმაოდ საინტერესო იყო.  

უფრო დაწვრილებით უყურეთ სიუჟეტს გადაცემაში “NEWS BOX” სამშაბათს 19:30  საათზე.

ვარსკვლავები უარს არ ამბობენ დებოშებზე, ეს ხომ მათი სტილია!
მაგრამ, თუკი შენ ორიგინალურობა გსურს, აყალმაყალი უკვე ვეღარაფერში გამოგადგება - ეს ხომ ყურადღების მიქცევის მოძველებული ხერხია.  

იმავეს ფიქრობს ლილი ალენი, რომელმაც კონცერტი მხოლოდ იმის გამო შეწყვიტა და კულისებში ატირებული გაიქცა, რომ მის მსმენელებს შორის ხელჩართული ჩხუბი და ცემა-ტყეპა ატყდა.  აცრემლებულმა ლილიმ განაცხადა: ”ეს ძალადობის ყველაზე საზიზღარი ფორმაა. უნდა გრცხვენოდეთ!”  

ამას სულაც არ შეუშლია ლილისთვის ხელი, რომ თავისი სიმღერა ”fuck you” კონსერვატიული პარტიის ლიდერისთვის, დევიდ კამერონისთვის, მიეძღვნა. ახალგაზრდა შემსრულებელი აშკარად არ კარგავს დროს და საზოგადოების შოკირებაზე მუშაობს.  

როგორც ჩანს, ლილიმ გადაწყვიტა, არ მიბაძოს სხვებს და ჩხუბის წამომწყებად კი არა, მშვიდობის მტრედად მოგვევლინოს.... ესეც ორიგინალურობის კიდევ ერთი მცდელობაა.

7 მარტს ამერიკელი და არა მარტო ამერიკელი მაყურებელი სულმოუთქმელად ელოდებოდა. ამ დღეს რიგით 82–ე ოსკარების დაჯილდოების ცერემონია იმართებოდა.  

დაჯილდოება შედგა, მაგრამ იმაზე საინტერესოდ წარიმართა, ვიდრე ველოდით. წლის ტრიუმფატორად ფილმი ავატარი ითვლებოდა. სურათმა ყველა რეკორდი მოხსნა რისი  მოხსნაც შეიძლებოდა, მაგრამ ამის იქით ვერ წავიდა.
ხელი მას ქეთრინ ბიგელოუს Hurt locker-მა შეუშალა, რომელმაც წლის საუკეთესო ფილმის ნომინაციაში იმარჯვა.  

საუკეთესო რეჟისორის ჯილდოც ბიგელოუმ მოიგო, რომელმაც ჯეიმს კამერონს აჯობა.

მეორე პლანის მსახიობი მამაკაცის ჯილდო კრისტოფ უოლცს ხვდა წილად ფილმისთვის “Inglorious Basterds”. იგივე ნომინაციაში, ოღონდ ქალბატონთა შორის გამარჯვებული  Mo’Nique გახდა ფილმისთვის „Precious“. 

საუკეთესო მამაკაცი მსხაიობის ტიტული ჯეფ ბრიჯესმა მიიღო, ხოლო სუსტი სქესის წარმომადგენლებში სანდრა ბალოკმა იმარჯვა.  

სიუჟეტს ოსკარების შესახებ გადაცემა News Box-ში იხილავთ, 8 მარტს 19:30 საათზე.

8 მარტი ახლოვდება და კარგი საბაბი გვაქვს დასვენებისა და განტვირთვისათვის. ხოლო ვისაც ჯერ არ გადაგიწყვეტიათ თუ სად წახვიდეთ და როგორ გაერთოთ, ნება მოგვეცით რამდენიმე ვარიანტი შემოგთავაზოთ.  

შაბათს, 6 მარტს,  კლუბი Guru გრანდიოზულ ივენთს გვპირდება. კიდევ რომელ ქართულ კლუბში შეიძლება ვნახოთ ისეთი მსოფლიო დონის ვარსკვლავი, როგორიც FUNKSTAR DE LUX-ია ?
ამავე დღეს კლუბი Flat მოცეკვავე გოგონების შოუზე გეპატიჟებათ. მიქსს DJ Casper-ი გამართავს.  

ორშაბათი ასევე დატვირთული დღე იქნება.  
Bamba Rooms-ში 22:00 საათზე ქართველი რეპერი ძვალი,  ახლა უკვე DJ Bone-ად წოდებული, შეეცდება ჩვენს გაკვირვებას. 
მიქსი + რეპი, ურიგო არ არის არა ?
Night Office 8 მარტს იტალიელ დიჯეებს მასპინძლობს. სპეციალურად თქვენთვის 8 მარტს, Fashion TV-ის, სვაროვსკისა და ტაკეში კუროსავას სახე, ლეგენდარული Mauricio Gubellini და Stefano Pain-ი დაუკრავენ.  

სასიამოვნო დასვენებას გისურვებთ, ხოლო მანდილოსნებს ქალთა საერთაშორისო დღესასწაულს გილოცავთ.