სახლებში - გაინტერესებთ, თუ როგორ ცხოვრობენ ქართველი ცნობადი სახეები? ესტუმრეთ მათ „სახლებში“. ისინი ჰყვებიან ისტორიებს, რომლებზეც საკუთარი სახლის კედლებს მიღმა არ საუბრობენ. გადაცემა ”სახლებში” 2009 წლის სატელევიზიო სეზონზე გამოჩნდა Music Box-ის ეთერში და თქვენი ეკრანებიდან წასვლას არც მომდევნო წლებში აპირებს. ჩვენი კამერა უკვე ესტუმრა ისეთ ვარსკვლავებს, როგორებიცაა: ირინა ონაშვილი, მაია ასათიანი, ლალი მოროშკინა, ია ფარულავა, ბასა ფოცხიშვილი, ბესო კალანდაძე და სხვ.
წელს გადაცემა სიახლეს შემოგთავაზებთ და არა მხოლოდ შოუ-ბიზნესის წარმომადგენლების ცხოვრებას გაჩვენებთ მიახლოებული კადრით, არამედ გადაცემის ”სახლებში” ობიექტივში მოხვდებიან ადამიანები, რომლებსაც შესაძლოა აქამდე მხოლოდ საინფორმაციო გამოშვებებში ხედავდით. ესენი იქნებიან ბიზნესმენები თუ პოლიტიკოსები.